Google-მა შეაჩერა ზოგი სერვისის ინტეგრაცია Xiaomi-ს მოწყობილობებისთვის

Google Home Hub – თან დაკავშირებისას, Xiaomi – ის კამერების მეშვეობით შესაძლებელია სხვისი კამერებიდან გამოსახულების ნახვა. 

კომპანია Google – მა შეაჩერა თავისი სერვისების ინტეგრაცია Xiaomi-ს მოწყობილობებთან იმის შემდეგ, რაც გახდა ცნობილი რომ Xiaomi – ს ვიდეო კამერები საშუალებას იძლევა სხვისი კამერებიდან გამოსახულების ნახვას.

ცნობილი რესურსი Reddit – ის მომხმარებელმა ფსევდონიმით /r/Dio-V გამოაქვეყნა მოკლე ვიდეო რგოლი, რომელშიც ნაჩვენებია Xiaomi Mijia კამერის მეშვეობით Live რეჟიმში გასვლის მცდელობა. ამ პროცესის დროს ჩნდება ხარვეზი, რომლის შედეგად მონიტორზე ჩნდება სხვისი კამერიდან ცოცხალი გამოსახულება. Xiaomi Mijia – ს შეუძლია დაუკავშირდეს Google – ის სხვა პროფილს და განახორციელოს ტრანსლაცია, ეს ხდება Xiaomi Mi Home აპლიკაციის მეშვეობით. 

Xiaomi -ს წარმომადგენლების განცხადებით Business Insider – თან ინტერვიუში, ეს პრობლემა მოგვარებულია ახალ ვერსიაში, მაგრამ ამ ეტაპისთვის რისკის ქვეშ იმყოფება დაახლოებით 1 000 მოწყობილობა. მათივე განცხადებით, პრობლემის გამომწვევი იყო სისტემის ქეშის განახლება, რომელიც მოხდა 2019 წლის 26 დეკემბერს. ეს პროცესი განხორციელდა “ვიდეო გამოსახულების გადაცემის ხარისხის გასაუმჯობესებლად”.