პროკურორის განცხადებით კომპანია Google არაკანონიერად აგროვებს Android მოწყობილობების მომხმარებლების გეოლოკაციის მონაცემებს
ამერიკის შეერთებული შტატებში მიმდინარეობს გახმაურებული საქმე. არიზონის შტატის მთავარმა პროკურორმა მარკ ბრნოვიჩმა (Mark Brnovich) შეიტანა სარჩელი კომპანია Google -ის მიმართ. პროკურორის განცხადებით კომპანია Google არაკანონიერად აგროვებს Android მოწყობილობების მომხმარებლების გეოლოკაციის მონაცემებს.
“კორპორაცია Google ქმნის იმის შეგრძნებას, რომ მომხმარებლებს შეუძლიათ მოწყობილობის მონიტორინგის გათიშვა. მაგრამ კომპანია იყენებს სხვა გზებს, მომხმარებლების მონაცემების მისაღებად. Google-ის მიერ მოწყობილობის გეოლოკაციის მონიტორინგის გათიშვა არის პრაქტიკულად შეუძლებელი, რაც აბსოლუტურად ეწინააღმდეგება არიზონის კანონმდებლობას. ყველაზე ინოვაციურმა ორგანიზაციებმაც უნდა დაიცვან კანონი. “- აცხადებს მარკ ბრნოვიჩი.
მომხმარებლების გეოლოკაციის მონაცემები გამოყენება ამინდის პროგნოზის და საძიებო შედეგების უფრო ზუსტი მიწოდებისთვის. მაგრამ ამასთან ერთად, Google-ის ბრაუზერში შესაბამისი პარამეტრების გათიშვის შემდეგაც, კორპორაციასთან იგზავნება მომხმარებლის შესახებ მონაცემების სოლიდური რაოდენობა. პროკურორმა მოთხოვა Google-ს იმ ოდენობის კომპენსაციის გადახდა, რისი შოვნაც არის შესაძლებელი გეოლოკაციის გამოყენებით სარეკლამო კამპანიების განხორციელებით. არიზონის შტატის სასამართლომ ასევე შესაძლოა განიხილოს კორპორაციის ქმედება როგორც უკანონო, რაზეც დაეკისრება $ 10 000 ოდენობის ჯარიმა.
