იაპონიაში მოხდა საკმაოდ უჩვეულო შემთხვევა. რამოდენიმე თვის წინ დააკავეს ტოკიოს ერთ-ერთი მაცხოვრებელი 34 წლის მაღაზიის გამყიდველი იუსუკე ტანიგუჩი. მამაკაცი იყო დაკავებული და ეჭვმიტანილი 1 300 საბანკო ბარათის მონაცემების მოპარვაში და მათი შემდგომ უკანონო გამოყენებაში.
როგორც აღმოჩნდა იუსუკეს აქვს გამორჩეული ფოტოგრაფიული მეხსიერება, მომხმარებლის ბარათით გადახდის პროცესში იგი უპრობლემოდ იმახსოვრებდა დატანილ მონაცემებს და მათ შემდგომში ინტერნეტში სხვადასხვა ნივთების ყიდვისთვის იყენებდა. ჯამში იუსუკე ტანიგუჩიმ დაიმახსოვრა და გამოიყენა მომხმარებლების 1 300 საბანკო ბარათის მონაცემი.
იბადება კითხვა, თუ როგორ ასეთი ფენომენალური მეხსიერების პატრონი აღმოჩნდა სამართალდამცველების ხელში ? მიუხედავად ტაგინუჩის გონებრივი შესაძლებლობებისა იგი იყო საკმაოდ უბრალო ადამიანი. მისივე თქმით, ინტერნეტში შეძენილ ნივთებს იაპონელი გამყიდველი ლომბარდებში აბარებდა და მიღებული თანხით იხდიდა ბინის და კვების გადასახადებს.
ერთ დღეს ტანიგუჩიმ შეიძინა ორი ჩანთა, მათი საერთო ღირებულება შეადგენდა დაახლოებით $2.5. ვინაიდან შეკვეთის დროს, ინტერნეტ მაღაზიაში მყიდველმა მიუთითა საკუთარი სახლის მისამართი, პოლიციისთვის მისი პოვნა პრობლემას არ წარმოადგენდა. ამიტომაც, 2019 წლის მარტში, ინტერნეტ მაღაზიის კურიერთან ერთად იუსუკე ტანიგუჩისთან სახლში პოლიციის თანამშრომლებიც მივიდნენ.
