არავისთვის არ არის საიდუმლო, ის, რომ რაც ერთხელ აღმოჩნდა ინტერნეტ სივრცეში მანდ მუდმივად რჩება. სოციალურ ქსელებში გამოქვეყნებული სურათები და ჩანაწერები ასევე რჩება გლობალურ ქსელში მათი წაშლის შემთხვევაშიც კი. ბევრისთვის არის საინტერესო სოციალური ქსელებიდან წაშლილი პუბლიკაციების ნახვა, განსაკუთრებით მაშინ, როცა საქმე ცნობილ სახეებს ეხება.
სერვისი Undelete News არის პლატფორმა, რომლის საშუალებითაც ხდება Instagram და Twitter-ის წაშლილი პუბლიკაციების ნახვა. სისტემა მუშაობს ხელოვნური ინტელექტის საფუძველზე, რომელიც ამ დროისთვის უკვე აანალიზებს და ახდენს მრავალი ცნობადი სახის პროფილის მონიტორინგს.
ცნობილი პიროვნებების გარდა სერვისში შესაძლებელია თქვენთვის საინტერესო პროფილის დამატება, რის შემდეგაც სისტემა დაიწყებს მის მონიტორინგსაც. Undelete News სერვისი ასევე ინახავს ისტორიებს, რომლებიც რეალურ სოც ქსელებში იშლება 24 საათის გასვლის შემდეგ.
