გავრცელებული ინფორმაციის თანახმად, ჰაკერთა დაჯგუფება ShinyHunters-მა პასუხისმგებლობა აიღო 2024 წლის მაისში ბილეთების გაყიდვის სისტემა – Ticketmaster-ზე განხორციელებულ თავდასხმაზე. Ticketmaster წარმოადგენს ბილეთების გაყიდვის ყველაზე დიდ ციფრულ პლატფორმას. თავდამსხმელების მიერ Dark Web-ში გავრცელებული განცხადების თანახმად, თავდასხმის შედეგად გატანილია ვებ-გვერდის 560 მილიონამდე მომხმარებლის მონაცემი, მათ შორის: სახელი, მისამართი, ელ. ფოსტა, ტელეფონის ნომერი, ბილეთების, ღონისძიების და საბანკო ბარათების შესახებ ინფორმაცია (გამოყენებული ბარათის ბოლო 4 ციფრი, ვადა), ასევე „მომხმარებლის თაღლითობის შესახებ ინფორმაცია“. თავდამსხმელებმა 1.3 ტერაბაიტის ზომის ბაზა 28 მაისს დადეს გადაყიდად.
ბრალდებას იძიებენ სხვადასხვა სამართალდამცავი უწყებები, მათ შორის FBI და ავსტრალიის კიბერ უსაფრთხოების ეროვნული ოფისი.
თქვენი მონაცემების დასაცავად აუცილებლად:
- შეამოწმეთ Ticketmaster-ის ანგარიში, შეცვალეთ პაროლები;
- განაახლეთ ყველა აპლიკაცია, სადაც ანგარიში გაქვთ მიბმული;
- აკონტროლეთ თქვენს ბარათზე საეჭვო ტრანზაქციები და ეჭვის შემთხვევაში, დაუკავშირდით თქვენს ბანკს, სამართალდამცავ უწყებებს და დაბლოკეთ თქვენი ანგარიში;
- გადაამოწმეთ ელ. ფოსტით ან ტელეფონზე მოსული ყველა საეჭვო შეტყობინება.
