IT და კიბერ უსაფრთხოების სკოლა ჯუნიორებისათვის

რა არის IT და კიბერ უსაფრთხოების სკოლა ჯუნიორებისათვის?

ძირითადად კურსები ბავშვებს მხოლოდ კოდის წერას, უსაფრთხოებას, გრაფიკას ან ტექნოლოგიების რომელიმე მხოლოდ ერთ კონკრეტულ მიმართულებას ასწავლის, რაც ციფრული ტექნოლოგიების სამყაროში უკვე საკმარისი აღარ არის. ჩვენი ახალი პროგრამის უნიკალურობა მის კომპლექსურ მიდგომაშია. ჩვენ შევქმენით „360-გრადუსიანი“ მოდელი, სადაც ბავშვის უნარები ვითარდება არა მხოლოდ რომელიმე ერთი მიმართულებით, რაც ტექ ინდუსტრიაში მოძველებული მიდგომაა, არამედ სწავლობს:

როგორ მუშაობს ტექნოლოგიები (IT Essentials) – აპარატურული და პროგრამული უზრუნველყოფის საფუძვლები.
როგორ შექმნას ღირებული მარტივი, მისთვის საინტერესო და ასევე ფუნქციურად დატვირთული პროდუქტი (Scratch, Python, Web)- კრეატიული იდეების რეალიზება.
როგორ გამოიყენოს ციფრული სერვისები უსაფრთხოდ და სწორად. როგორ დაიცვას პირადი სივრცე და მის მიერ გამოყენებული ტექნოლოგიები, რაც დღევანდელ ციფრულ სამყაროში სასიცოცხლოდ მნიშვნელოვანია.

სასწავლო პროგრამა

IT საფუძვლები

კიბერ უსაფრთხოების საფუძვლები

Scratch

Python დაპროგრამების საფუძვლები

Web Basics

IT საფუძვლები

Scratch

Web Basics

Python დაპროგრამების საფუძვლები

კიბერ უსაფრთხოების საფუძვლები

ძირითადი ინფორმაცია

ვისთვის არის სკოლა განკუთვნილი?

როგორ მუშაობს ტექნოლოგიები (IT Essentials) – აპარატურული და პროგრამული უზრუნველყოფის საფუძვლები.
როგორ შექმნას ღირებული მარტივი, მისთვის საინტერესო და ასევე ფუნქციურად დატვირთული პროდუქტი (Scratch, Python, Web)- კრეატიული იდეების რეალიზება.
როგორ გამოიყენოს ციფრული სერვისები უსაფრთხოდ და სწორად. როგორ დაიცვას პირადი სივრცე და მის მიერ გამოყენებული ტექნოლოგიები, რაც დღევანდელ ციფრულ სამყაროში სასიცოცხლოდ მნიშვნელოვანია.

რატომ უნდა დაიწყონ სწავლა სკოლის ასაკიდანვე?

9-12 წლის ასაკში ბავშვის ტვინი ყველაზე მარტივად ითვისებს ახალ „ენებს“. პროგრამირებაც ენაა – ლოგიკისა და მომავლის ენა. ამ ასაკში მიღებული ცოდნა ფუნდამენტურია და მთელი ცხოვრება გაჰყვებათ.
ალგორითმული აზროვნება: პროგრამირება არ არის მხოლოდ კოდი, ეს არის აზროვნების წესი. ის ასწავლის ბავშვს პრობლების დაშლას ნაწილებად, ეტაპობრივად გადაჭრას და შეცდომებზე სწავლას (Debugging), რაც მათ სკოლის სხვა საგნებშიც (მათემატიკა, ფიზიკა) ეხმარება.
ციფრული წიგნიერება: თანამედროვე პერიოდში ტექნოლოგიების ცოდნა ისეთივე აუცილებელია, როგორც წერა-კითხვა. ადრეულ ასაკში დაწყება ბავშვს აძლევს უზარმაზარ კონკურენტულ უპირატესობას მომავალში.
კიბერუსაფრთხოება და თანამედროვე გამოწვევები: დღეს ბავშვები ინტერნეტში უფრო ადრე შედიან, ვიდრე ქუჩაში დამოუკიდებლად დაიწყებენ სიარულს. ჩვენი კურსი ასწავლის ბავშვებს „ციფრულ ჰიგიენას“: როგორ იცნონ საფრთხე და ქონდეთ შესაბამისი რეაგირება. რატომ არის ეს კრიტიკული? კიბერბულინგი, პირადი მონაცემების მოპარვა, მავნე პროგრამები და ფიშინგი – ეს რეალური საფრთხეებია.

რა შედეგს მიიღებს ბავშვი?

ამ კურსის დასრულება არ ნიშნავს მხოლოდ სერტიფიკატის მიღებას. ეს არის თქვენი შვილის ტრანსფორმაცია პასიური ე.წ. „მოთამაშიდან“, „სქროლერიდან“ ტექნოლოგიების აქტიურ მმართველად.

აი, რას ნიშნავს ეს პრაქტიკაში:

გეიმერიდან -> დეველოპერამდე: მან უკვე იცის, რომ კომპიუტერული თამაში ჯადოსნობა კი არა, კოდია. ის აღარ უყურებს თამაშს მხოლოდ როგორც გასართობს, ის ხედავს მის არქიტექტურას და უჩნდება ამბიცია: „მე ამაზე უკეთესის შექმნა შემიძლია!“
ციფრული დაცულობა: სანამ თანატოლები საფრთხეში არიან, თქვენმა შვილმა ზუსტად იცის, სად იმალება მავნებელი პროგრამები, ე.წ. ვირუსები, როგორ ამოიცნოს „ჰაკერი“ და როგორ დაიცვას თავისი პირადი სივრცე. მას აქვს ის „ციფრული იმუნიტეტი“, რომელიც თანამედროვე სამყაროში აუცილებელია.
ნამდვილი კოდერის უნარები: Scratch-ით დაწყებული და Python-ით გაგრძელებული – მას უკვე შეუძლია კომპიუტერს „თავისი ენა“ გააგებინოს. მან იცის ინსტრუმენტი, რომლითაც მსოფლიოში ყველაზე დიდი კომპანიები (Google, NASA, Netflix) მუშაობენ.
მომავლის ინჟინერი: ის სწავლობს პრობლემის გადაჭრას და არა მისგან გაქცევას. თუ კოდი არ მუშაობს, ის ეძებს შეცდომას და ასწორებს მას. ეს უნარი – არ დანებდეს სირთულეებს – მას სკოლაშიც და ცხოვრებაშიც სუპერ-ძალასავით გამოადგება.

ჩვენ ვაძლევთ ბავშვებს გასაღებს სამყაროზე, სადაც ისინი ტექნოლოგიებს იმორჩილებენ და არა – პირიქით

რატომ ჩვენ? - ისწავლეთ ინდუსტრიის პრაქტიკოსი ლიდერებისგან

თქვენი შვილის განათლებაზე იზრუნებს გუნდი, რომელიც აღიარებულია საქართველოს საუკეთესო IT განათლების პროვაიდერად. ჩვენ არ ვართ უბრალოდ სასწავლო ცენტრი – ჩვენ ვაუმჯობესებთ კიბერუსაფრთხოების სტანდარტს რეგიონში.

აი, რა გამოგვარჩევს სხვებისგან:

ექსკლუზიური ტექნოლოგიები და CyberEdu: ჩვენ ვართ ერთადერთი ორგანიზაცია რეგიონში (კავკასიის უნივერსიტეტთან პარტნიორობით), რომელიც წარმოადგენს აღმოსავლეთ ევროპის ყველაზე მასშტაბურ ჰაკათონს – BitSentinel-ს.
- რას ნიშნავს ეს ბავშვისთვის? ექსკლუზიურ უფლებას, სწავლებისას გამოვიყენოთ მსოფლიოში აღიარებული პლატფორმა CyberEdu. ეს არის ინტერაქტიული სავარჯიშოები, სადაც სწავლა თამაშს, თავსატეხებს ჰგავს, მაგრამ შედეგი რეალური პროფესიონალური უნარებია.
ნდობა გლობალური გიგანტებისგან: ჩვენს კომპეტენციას ენდობიან მსოფლიოს წამყვანი ორგანიზაციები. ჩვენ ვახორციელებთ პროექტებს ისეთი დონორების მხარდაჭერით, როგორიცაა:
- NATO
- European Union
- ICANN (ინტერნეტის მმართველობის გლობალური ორგანიზაცია)
- შოთა რუსთაველის ეროვნული სამეცნიერო ფონდი
- ეს ნიშნავს, რომ ჩვენი სასწავლო მეთოდოლოგია შეესაბამება უმაღლეს საერთაშორისო სტანდარტებს.
პრაქტიკოსი ექსპერტები და არა მხოლოდ ლექტორები: ჩვენ ვფლობთ სახელმწიფო და საერთაშორისო ლიცენზიებს უსაფრთხოების აუდიტისა და შეღწევადობის ტესტირების (Penetration Testing) ჩასატარებლად.
- ჩვენი გუნდი ყოველდღიურად იცავს როგორც სახელმწიფო, ისე კერძო სტრუქტურების ციფრულ უსაფრთხოებას.
- თქვენს შვილს ასწავლიან ის ადამიანები, ვინც რეალურად მუშაობენ და იციან არა მხოლოდ თეორია, არამედ რეალური საფრთხეების მართვა.
უწყვეტი განათლების სისტემა: ჩვენთან სწავლა არ არის ერთჯერადი აქტივობა. ჩვენ ვმართავთ მრავალფეროვან საგანმანათლებლო პროგრამებს, სეზონურ საგანმანათლებლო გასვლით ბანაკებს, დაწყებული მოკლევადიანი ტრენინგებიდან, დამთავრებული 1-წლიანი პროფესიული კურსებით. ეს ნიშნავს, რომ ბავშვის ზრდასთან ერთად, ჩვენ შეგვიძლია შევთავაზოთ განვითარების ახალი და უფრო რთული საფეხურები.
მეცნიერება და ინოვაცია: მუდმივად მოვლენების ეპიცენტრში, ჩვენ არ ვართ მხოლოდ პრაქტიკოსები, ჩვენ ვართ მკვლევრებიც. გარდა სწავლებისა, ჩვენი გუნდი აქტიურადაა ჩართული სამეცნიერო საქმიანობაში და მუდმივად ზრუნავს მაღალ სამეცნიერო პროდუქტიულობაზე. რატომ არის ეს მნიშვნელოვანი? ტექნოლოგიები სინათლის სისწრაფით ვითარდება. სამეცნიერო კვლევებში ჩართულობა ნიშნავს, რომ ჩვენ არ ველოდებით სიახლეების გარედან შემოსვლას, ჩვენ თავად ვართ პროცესების მონაწილენი. ეს გვაძლევს საშუალებას, მუდმივად ვიყოთ ტექნოლოგიური პროგრესის წინა ხაზზე და სასწავლო პროგრამაში დავნერგოთ მომავლის მიდგომები და სტანდარტები.

აირჩიეთ ხარისხი, რომელიც დადასტურებულია საერთაშორისო პარტნიორებისა და ჯილდოების მიერ!

სასწავლო პროგრამის ლექტორი:

გიორგი ახალაია – კიბერ უსაფრთხოების მკვლევარი, კავკასიის უნივერსიტეტის ასოცირებული პროფესორი
ირაკლი ფირცხალავა- სამეცნიერო კიბერ უსაფრთხოების ასოციაციის ლექტორი, Python-ის დეველოპერი.
გივი გვენცაძე – სამეცნიერო GNSS ქსელის ხელმძღვანელი, IT ინჟინერი
ლუკა მგელაძე – კიბერ უსაფრთხოების სპეციალისტი

დამატებითი დეტალები:

შეხვედრის დრო: ორშაბათი – ხუთშაბათი; 17:00 – 19:00 საათი
მეცადინეობები ჩატარდება ჰიბრიდულად (11 სტუდენტი აუდიტორიაში, 5 სტუდენტი ონლაინ)
საფასური: 270 ლარი თვეში
სწავლა იწყება: 04.03.2026

Python-ის სასწავლო მოდული განხორციელდება პითონის ინსტიტუტთან კოლაბორაციით, რომლის სერტიფიცირებული წევრია ჩვენი ასოციაცია. წარმატებული კურსდამთავრებულები აიღებენ შესაბამის ცოდნის დამადასტურებელ სერტიფიკატს.