Skip to content
მოხარულები ვართ გაგიზიაროთ ჩვენი ორგანიზაციისთვის უმნიშვნელოვანესი სიახლე. სამეცნიერო კიბერუსაფრთხოების ასოციაცია (SCSA) ოფიციალურად გახდა ინტერნეტის მისამართებისა და ნომრების მინიჭების საზოგადოების (ICANN) არაკომერციული დაინტერესებული მხარეების ჯგუფის (NCSG) ორგანიზაციული წევრი.
ამ გაწევრიანებით SCSA უერთდება სამოქალაქო საზოგადოების ორგანიზაციების, კვლევითი ინსტიტუტებისა და აკადემიკოსების გლობალურ ქსელს, რომელთა მიზანია არაკომერციული ინტერესების, ინტერნეტის თავისუფლებისა და დომენური სახელების გლობალური სისტემის (DNS) უსაფრთხოების დაცვა. აღნიშნული სტატუსი კიდევ უფრო აძლიერებს ჩვენს ძალისხმევას, აქტიური წვლილი შევიტანოთ ინტერნეტის მართვის საერთაშორისო პოლიტიკის ფორმირებაში, ინტერნეტის ფრაგმენტაციის წინააღმდეგ ბრძოლასა და კიბერუსაფრთხოების მყარი ჩარჩოების ადვოკატირებაში.
ამ პლატფორმის საშუალებით, SCSA რეგიონულ გამოცდილებას შემატებს ICANN-ის ექსპერტთა პლატფორმას და გლობალურ პარტნიორებთან ერთად იმუშავებს ღია, უსაფრთხო და სტაბილური ინტერნეტ გარემოს უზრუნველსაყოფად.
NCSG-ის წევრების საჯარო სია შეგიძლიათ იხილოთ ბმულზე: NCSG Public Members List.
Georgian 
English 