მოხარულები ვართ გაგიზიაროთ ჩვენი სტუდენტის, დაჩი ზედგინიძის წარმატების ისტორია. დაჩი კავკასიის უნივერსიტეტისა და ნიუ ჯერსი სითი უნივერსიტეტის კიბერ უსაფრთხოების ერთობლივი პროგრამის სტუდენტია. რომელიც თავის კარიერას საქართველოს კიბერ უსაფრთხოების ბიუროში გააგრძელებს:
ინტერვიუ დაჩისთან:
1 – კომპანიის დასახელება და თქვენი ახლანდელი პოზიცია?
საქართველოს კიბერუსაფრთხოების ბიურო – შეღწევადობის ტესტირების განყოფილების უმცროსი ინჟინერი.
2 – რას გულისხმობს შეღწევადობის ტესტირების ინჟინრის როლი ?
შეღწევადობის ტესტირების ინჟინერს ევალება შეამოწმოს კომპიუტერული სისტემები, ქსელები და აპლიკაციები და აღმოაჩინოს მათი სისუსტეები, რომლის გამოყენებასაც ეცდებოდა ჰაკერი ზიანის მისაყენებლად.
3 – როგორ გაიგეთ სამეცნიერო კიბერ უსაფრთხოების ასოციაციის შესახებ ?
სამეცნიერო კიბერუსაფრთხოების შესახებ პირველად კავკასიის უნივერსიტეტში კიბერუსაფრთხოების ლექტორისგან გავიგე.
4 – რა როლი ითამაშა სამეცნიერო კიბერ უსაფრთხოების ასოციაციამ თქვენს კარიერაზე ?
ასოციაციაში მიღებულმა ცოდნამ ხელი შემიწყო გადამეწყვიტა რა განხრით ამერჩია კარიერა და მეპოვნა სასურველი სამსახური.
5 – კიბერუსაფრთხოების რა მიმართულებას გამოყოფდით როგორც თქვენთვის უფრო საინტერესოს?
კიბერუსაფრთხოება ძალიან ფართო თემაა და ყველა მიმართულება ძალიან საინტერესოა, მაგრამ მე Red Teaming და Pen Testing მაინტერესებს ყველაზე მეტად.
6 – როგორ ხედავთ თქვენს თავს ამ მიმართულებით ახლო მომავალში?
დარწმუნებული ვარ, რომ ბევრ საინტერესო პროექტზე ვიმუშავებ და სხვადასხვა ტექნოლოგიას და განხრას შევისწავლი და შევიძენ ისეთ უნარებს, რომლებიც ღირებული იქნება საერთაშორისო ბაზარზე.