1 – კომპანიის დასახელება და თქვენი ახლანდელი პოზიცია?
ბრიტანულ ქართული აკადემიის და ბრიტანული საერთაშორისო სკოლის კიბერუსაფრთხოების და ქსელის მენეჯერი.ასევე ილია სახელმწიფო უნივერსიტეტის ლექტორი გამოყენებითი უსაფრთხოების და შესავალი კიბერუსაფრთხოების მიმართულებით.
2 – რას გულისხმობს ინფორმაციული უსაფრთხოების მენეჯერის როლი ?
უსაფრთხოების სტანდარტების გატარებას ინფრასტრუქტურაში ფიზიკურ,ქსელურ,სერვერულ და აპლიკაციის დონეზე.
3 – როგორ გაიგეთ სამეცნიერო კიბერ უსაფრთხოების ასოციაციის შესახებ ?
სამეცნიერო კიბერ უსაფრთხოების ასოციაციის შესახებ გავიგე, სოციალური ქსელიდან
4 – რატომ გადაწყვიტეთ მიგეღოთ მონაწილეობა კიბერ სპეციალიზაციაში ?
რადგან კურსი საკმაოდ ინტენსიურია,მოიცავს როგორც თეურიულ ასევე პრაქტიკულ ასპექტებს უსაფრთხოების მიმართულებით,იძლევა ბევრი კუთხიდან უსაფრთხოების დანახვის საშუალებას.
5 – რა როლი ითამაშა სამეცნიერო კიბერ უსაფრთხოების ასოციაციის სპეციალიზაციამ თქვენს კარიერაზე ?
სპეციალიზაციის კურსის გავლამ, არა მხოლოდ გააღრმავა ცოდნა ჩემთვის სასურველ სფეროში, არამედ მომცა საკუთარი შესაძლებლობების გამოცდის უნიკალური შესაძლებლობა – კურსის გავლისას, ხელმძღვანელის რეკომენდაციით, ილიას სახელმწიფო უნივერსიტეტიდან მივიღე შემოთავაზება. გადაწყვეტილების მიღებისას, ჩემი თანხმობის მთავარ მოტივატორს სიახლის განცდა და გამოწვევის დაძლევა წარმოადგენდა.
დარწმუნებული ვარ, რომ კიბერ უსაფრთხოების სპეციალიზაციის კურსზე მიღებული განათლება და გამოცდილება საუკეთესო გზამკვლევი იქნება ჩემი და სტუდენტების მომავლისთვის.
6 – კიბერუსაფრთხოების რა მიმართულებას გამოყოფდით როგორც თქვენთვის უფრო საინტერესოს?
კიბერუსაფრთხოებაში ზუსტად ის მაინტერესებს რომ სხვადასხვა სისტემებთან გიწევს შეხება და გააზრება მათი მუშაობის პრინციპების მათი სისუსტეების და ძლიერი მხარეების, და შესაბამისი პოლიტიკის შემუშავება ორგანიზაციაში არსებული მოთხოვნებიდან გამომდინარე.
7 – როგორ ხედავთ თქვენს თავს ამ მიმართულებით ახლო მომავალში?
ვაპირებ კიბერუსაფრთხოებაში ცოდნის გაღრმავებას და პრაქტიკის მიღებას.ასევე ძალიან დამაინტერესა კრიპტოგრაფიამ და მაქვს სურვილი განვითარდე ამ მიმართულებით მომავალში.
