Konqueror, Falkon და Qutebrowser ვერ იქნება გამოყენებული Google-ის სერვისებში ავტორიზაციისთვის.
Linux -ის ისეთი პოპულარული ბრაუზერები როგორიცაა Konqueror, Falkon და Qutebrowser ვეღარ იქნება გამოყენებული Google-ის სერვისებში ავტორიზაციისთვის, რადგან არ არიან სათანადოდ უსაფრთხო.
რამდენი ხნის წინ მოხდა ზემოაღნიშნული ბრაუზერების კორპორაციის მიერ ბლოკირება, ცნობილი არ არის, მაგრამ სტატია ამის შესახებ გაჩნდა Reddit -ის ფორუმზე ახლახანს.
Google-ის სერვისებში Konqueror და Falkon ბრაუზერის მეშვეობით ავტორიზაციის დროს, სისტემა მომხმარებელს მისცემს შეტყობინებას, იმის შესახებ, რომ გამოყენებული ბრაუზერი არ არის სათანადოდ დაცული და არ არის რეკომენდირებული Google-ის და სხვა ორგანიზაციების სერვისების გამოყენებისთვის.
შეტყობინებაში არის “Learn more” ღილაკი. ამ ღილაკზე დაჭერისას მომხმარებელი აღმოჩნდება Google-ის ტექ. მხარდაჭერის გვერდზე, რომელზეც მოყვანილია ბრაუზერის დაბლოკვის შესაძლებელი გამომწვევები:
- ბრაუზერს არ გააჩნია JavaScript – ის მხარდაჭერა, ან ბრაუზერში გათიშულია JavaScript;
- ბრაუზერში გამოიყენება დაუცველი დამატება (Extension);
- ბრაუზერში გამოიყენება ავტომატური ტესტირების ფრეიმვორი;
- ბრაუზერი ჩაშენებულია სხვა აპლიკაციაში;
ბოლო განცხადებით, ზოგი ერთი მომხმარებელი გადის ავტორიზაციას Falkon-ის ბრაუზერით რაც ბლოკირების ფაქტს ხდის კიდევ უფრო საეჭვოს. თვითონ Google-ს მიერ ამ ეტაპისთვის კომენტარი გაკეთებული არ არის.