შეხვედრების რაოდენობა: 10 შეხვედრა (20 გაკვეთილი)
შეხვედრის ხანგრძლივობა: 2 საათი
მსმენელების მაქსიმალური რაოდენობა: 15 მსმენელი
სასწავლო კურსის ლექტორი:
სერგო სიმონოვი – სამეცნიერო კიბერ უსაფრთხოების ასოციაციის ქსელების და ქსელური უსაფრთხოების კურსების ტრენერი & OSCP სერტიფიცირებული შეღწევადობის ტესტერი; კავკასიის უნივერსიტეტის ლექტორი.
სასწავლო კურსის ანოტაცია:
თანამედროვე მსოფლიო წარმოუდგენელია ქსელური ტექნოლოგიების გარეშე, მაგრამ, თუ გიფიქრიათ როგორ მუშაობს ეს ტექნოლოგიები? ან თუ გიფიქრიათ, რა ხდება, როდესაც ბრაუზერში კრეფთ ‘google.com’ -ს და შესვლის ღილაკს აწვებით? ან იქნებ სიტყვა „ქსელების“ გაგონება გაშინებთ? ან კიდევ ძლიერი ჰაკერები გხიბლავენ, რომლებიც ქსელში შეიჭრებიან და ყველა მანქანას თავის ნებაზე ამუშავებენ? ეს კურსი დაგეხმარებათ გაიგოთ, თუ რა იმალება ქსელური მექანიზმების და მათი უსაფრთხოების მიღმა.
რას ისწავლით ამ კურსის ფარგლებში?
ამ კურსის ფარგლებში ისწავლით ლოკალური ქსელების კონფიგურაციას, დაცვასა და გატეხვას.
ეს კურსი შედგება სიღრმისეული პრაქტიკული და თეორიული ნაწილებისგან. პირველ ეტაპზე დეტალურად შევისწავლით მასალას, რასაც გამოვიყენებთ პრაქტიკულ თავდასხმებში, რის შემდეგაც ვიმუშავებთ ქსელის დაცვაზე. კურსის ფარგლებში შევისწავლით, როგორ მუშაობენ კონცენტრატორები, როუტერები, სვიჩები, DNS, ARP, DHCP, NAT, Firewalls და ასევე შევეხებით cisco-ს.
კურსის წარმატებით დასრულებისას შეძლებთ:
1. ქსელური პროცესების ახსნას;
2. ლოკალური ქსელების ტესტირებას შეღწევადობაზე;
3. ლოკალური ქსელების დაცვას თავდასხმებისგან;
ეს კურსი დააინტერესებს სისტემურ ადმინისტრატორებს, დამწყებ პენტესტერებს, ქსელური ტექნოლოგიების მოყვარულებს და ყველას ვისაც სურს ცოდნის გაღრმავება ქსელების მიმართულებით.
ჩატარების ტიპი: online
მეცადინეობა დაიწყება 31.07.2024 და ჩატარდება ყოველ ორშაბათს და ოთხშაბათს 19:00 – 21:00 საათამდე.
კურსის საფასური:
- წინასწარი რეგისტრაციის ფასი: 200 ლარი (გადახდა 24.07.2024-ის ჩათვლით)
წინასწარი რეგისტრაციის საფასური SCSA წევრებისთვის: 150 ლარი – გაიგეთ მეტი წევრობის შესახებ
- სტანდარტული ფასი: 250 ლარი (გადახდა 24.07.2024-ის მერე)
სტანდარტული საფასური SCSA წევრებისთვის: 200 ლარი – გაიგეთ მეტი წევრობის შესახებ