Networking Essentials 2.0

შეხვედრების რაოდენობა: 10 შეხვედრა (20 გაკვეთილი)

შეხვედრის ხანგრძლივობა: 2 საათი

მსმენელების მაქსიმალური რაოდენობა: 15 მსმენელი

სასწავლო კურსის ლექტორი:
არჩილი შენგელია – კომპანია Cisco ქსელური აკადემიის ინსტრუქტორი სხვადასხვა მიმართულებებზე, კავკასიის უნივერსიტეტში, ბიზნესისა და ტექნოლოგიების უნივერსიტეტში, ილიას სახელმწიფო უნივერსიტეტში და Cisco ქსელური აკადემია ШАГ (უკრაინა) -ის თბილისის ფილიალის  ლექტორი.

სასწავლო კურსის ანოტაცია:
Cisco ქსელური აკადემიის კურსი Networking Essentials 2.0 უზრუნველყოფს მსმენელებისათვის კომპიუტერული ქსელებისა და სისტემების შესახებ საბაზისო/ფუნდამენტური მონაცემების მიწოდებას. კურსი გათვალისწინებულია ნებისმიერი მსმენელისათვის, ვინც დაინტერესებულია ინფორმაციული ტექნოლოგიებითა და კომპიუტერული ქსელებით. კურსში ძირითადი აქცენტი კეთდება მცირე და საშუალო ზომის კომპიუტერული ქსელების აგებასა და მართვა/მომსახურეობაზე.

კურსის დასრულების შემდგომ გაიცემა კომპანია Cisco-ს ქსელური აკადემიის ოფიციალური სერტიფიკატი და გენერირდება ე.წ. ციფრული ბეიჯი (Digital Badge).

Networking Essential 2.0 კურსის დასრულების შემდეგ სტუდენტებს შეეძლებათ შემდეგი ამოცანების შესრულება:

  • ქსელური კომუნიკაციის კონცეფციის ახსნა;
  • ონლაინ სივრცეზე წვდომის ძირითადი მოთხოვნებისა და პარამეტრების ახსნა;
  • სიმულირებული ქსელის შექმნა Cisco Packet Tracer-ის ქსელური სიმულატორის გამოყენებით;
  • მარტივი, სახლის ქსელის შექმნა, კონფიგურირება და მართვა;
  • საშუალო დონის ქსელის ინსტალაცია, კონფიგურირება და მართვა;
  • IPv4 და IPV6 პროტოკოლებისა და მისამართების დანიშნულების ახსნა და მათი პრაქტიკული გამოყენება;
  • DHCP პროტოკოლის კონფიგურირება ქსელში ჰოსტებისათვის IP მისამართების დინამიურად დარიგებისათვის;
  • ინტეგრირებული სერვისების მქონე უკაბელო როუტერისა და უკაბელო კლიენტის კონფიგურირება ინტერნეტთან უსაფრთხოდ დასაკავშირებლად;
  • შეეძლება გამოიყენოს უსაფრთხოების საუკეთესო პრაქტიკა ქსელზე თავდასხმების შესამცირებლად;
  • შეეძლება ქსელის ძირითადი უსაფრთხოების კონფიგურაცია;
  • შეეძლება კონსოლური და დისტანციური კავშირის დამყარება Cisco მოწყობილობებთან;
  • სტატიკური და დინამიური მარშრუტიზაციის აწყობა და კონფიგურირება;
  • კომპიუტერულ ქსელში მარტივი გაუმართაობების აღმოჩენა და გამოსწორება.

კურსის საფასური: 200 ლარი

საფასური SCSA წევრებისთვის: 150 ლარი – გაიგეთ მეტი წევრობის შესახებ

 

თემა 1.  ქსელური კომუნიკაციების საფუძვლები

ლექციის განმავლობაში მსმენელები გაეცნობიან სხვადასხვა თანამედროვე ქსელური ტექნოლოგიების შესახებ მონაცემებს

თემა 2. ქსელური სიმულატორი Cisco Packet Tracer

მსემებელები გაეცნობიან კომპანია Cisco ქსელურ სიმულატორს,შეისწავლიან მის მენიუს ინტერფეისებსა და ძირითად პარამეტრებს.

თემა 3. მცირე კომპიუტერული  ქსელის  აგება

მსენელები გაეცნობიან სხვადასხვა ქსელური მოწყობილობების მეშვეობით მცირე კომპიუტერული ქსელის აგებას ქსელური სიმულატორის მეშვეობით

თემა 4. IP მისამართები და მათი დანიშნულება

მსმენელები გაეცნობიან ძირითად ქსელურ პროტოკოლებსა და IP მისამართების დანიშნულებას, მათი გაწერის პრინციპებსა და კონფიგურაციის მახასიათებლებს

თემა 5. DHCP პროტოკოლი – მისი დანიშნულება და კონფიგურაცია

მსმენელები ისწავლიან ჰოსტებზე დინამიური კონფიგურაციის პროტოკოლის მეშვეობით IP მისამართების გაცემისა და მართვის პრინციპებს

თემა 6. IPv4 და IPv6 მისამართების მართვა, ქსელის ქვექსელებად დაყოფა

მსმენელები გაეცნობიან როგორც IPv4 ასევე IPv6 ქსელების უფრო მცირე ქვექსელებად დაყოფის პრინციპებსა და მათი კონფიგურაციის პარამეტრებს

თემა 7. ინტეგრირებული უსადენო როუტერისა და წვდომის წერტილების კონფიგურირება

მსმენელები ისწავლიან მცირე ზომის ქსელის როუტერებისა და უსადენო ქსელის წვდომის წერტილების (Wireless Access Points) კონფიგურირებას

თემა 8. ქსელების უსაფრთხოების საბაზისო კონფიგურირება

მსმენელები ისწავლიან კომპიუტერული ქსელების უსაფრთხოების საბაზისო მოთხოვნებსა და მათი შესრულების პროცედურებს სხვადასხვა ქსელური მოწყობილებების გამოყენებით

თემა 9. Cisco მარშრუტიზატორებისა და კომუტატორების ინსტალაცია და კონფიგურაცია

მსმენელები ისწავლიან კომპანია Cisco მარშრუტიზატორებისა და კომუტატორების ძირითად საბაზისო კონფიგურირებასა და მათი ქსელში დანერგვის პროცედურებს

თემა 10. კომპიუტერული ქსელების გაუმართაობების დიაგნოსტიკა და აღმოფხვრა

მსმენებელი ისწავლიან კომპიუტერული ქსელების ძირითად გაუმართაობების დიაგნოსტიკასა და მათი აღმოფხვრის მექანიზმებს

პასუხები მნიშვნელოვან კითხვებზე:

  • არის თუ არა კურსი შესაფერისი დამწყებთათვის?

დიახ, შესაფერისია. კურსის წარმატებით ასათვისებლად დამატებითი ცოდნა არ არის საჭირო.

  • არის თუ არა კურსი შესაფერისი პროფესიონალებისთვის/დამწყები სპეციალისტებისთვის? 

კურსი საინტერესო იქნება სპეციალისტებისთვის, მაგრამ ვურჩევდით, ჯერ კურსის პროგრამას გაეცნონ.

  • ვსწავლობდი ქსელებს, მაგრამ არ ვარ დარწმუნებული ჩემს ცოდნაში. იქნება თუ არა ეს კურსი ჩემთვის სასარგებლო?

გირჩევთ გადაამოწმოთ პროგრამა – თუ თემების უმეტესობა თქვენთვის ნაცნობია, მაშინ საკმარისად კარგად აითვისებთ მასალებს, თუ არა – გირჩევთ, გაიაროთ კურსი ჩვენთან. ასევე, ჩვენს მასწავლებლებს ყოველთვის შეუძლიათ გაგიწიონ სატელეფონო კონსულტაცია და დაგეხმარონ თქვენთვის საუკეთესო, თქვენზე მორგებული ტრენინგის შერჩევაში.

  • რა მოხდება რეგისტრაციის გავლის შემდეგ?

დღის განმავლობაში თქვენ მიიღებთ წერილს ელ. ფოსტაზე, რომელიც მიუთითეთ სარეგისტრაციო ფორმაში. სადაც გამოგეგზავნებათ რეკვიზიტები. გადახდის შემდეგ თქვენ დაემატებით მონაწილეთა სიას. ამის შემდეგ უნდა დაელოდოთ კურსის დაწყების თარიღს და შეუერთდეთ თქვენს ჯგუფს.

  • როგორ უნდა გადავიხადო კურსის საფასური?

რეგისტრაციის შემდეგ,  სამუშაო დღის განმავლობაში  მიიღებთ წერილს ელ. ფოსტაზე, რომელიც მიუთითეთ სარეგისტრაციო ფორმაში, სადაც გამოგეგზავნებათ რეკვიზიტები. ასევე, მენეჯერს შეუძლია დაგიკავშირდეთ მითითებულ ნომერზე/მეილზე დეტალების დასაზუსტებლად.

  • შემიძლია თუ არა კურსის საფასურის გადახდა ინვოისით?

რა თქმა უნდა! ჩვენ ხშირად ვთანამშრომლობთ კომპანიებთან, რომლებიც აგზავნიან თავიანთ თანამშრომლებს ჩვენთან სასწავლებლად. თქვენ უბრალოდ უნდა აცნობოთ ჩვენს ფინანსურ მენეჯერს, რომ გსურთ ინვოისის მიღება.

  • როგორია კურსის ფორმატი?

კურსი ტარდება ჰიბრიდულ ფორმატში, რაც ნიშნავს, რომ თქვენ შეგიძლიათ შემოგვიერთდეთ ონლაინ ან გაიაროთ კურსი ჯგუფთან ჩვენს ოფისში (თბილისი, ცაგარელის ქ., 34-36). სარეგისტრაციო ფორმაში წინასწარ უნდა მიუთითოთ რა ფორმატით აპირებთ კურსის გავლას.

  • როდის იწყება ლექციები? / როდის მექნება წვდომა კურსის ჯგუფზე?

თუ თქვენ ჩაერთვებით ონლაინ, ტრენინგის დაწყებამდე რამდენიმე საათით ადრე, ჩვენი მენეჯერი ელ.ფოსტაზე გამოგიგზავნით ტრენინგზე დასასწრებ/შემოსასვლელ ბმულს.   

  • კურსის განმავლობაში დამჭირდება თუ არა ლეპტოპი/კომპიუტერი და როგორ?

თუ აუდიტორიაში ესწრებით ლექციას მაშინ კურსისთვის საჭირო კომპიუტერი/ლეპტოპი დაგხვდებათ საკლასო ოთახში. სურვილის შემთხვევაში, შეგიძლიათ აუდიტორიაშიც წამოიღოთ თქვენი პირადი ლეპტოპი.

თუ თქვენ აირჩევთ ტრენინგის ონლაინ სწავლების მეთოდს, მაშინ დაგჭირდებათ სტანდარტული ლეპტოპი/კომპიუტერი.

  • იქნება თუ არა კურსზე საშინაო დავალება?

დიახ, კურსის წარმატებით გავლა დამოკიდებულია საშინაო დავალების შესრულებაზე. ჩვენი პედაგოგები გირჩევენ შეასრულოთ ყველა საშინაო დავალება.

  • გაკეთდება თუ არა გაკვეთილების ჩანაწერი?

არა, ჩვენ არ ვაკეთებთ ლექციის ჩანაწერებს – ეს უარყოფითად აისახება სტუდენტის მოსწრებაზე და კურსის დასრულების ხარისხზე. რა თქმა უნდა, რთულ თემატიკაზე ლექტორს შეუძლია გააკეთოს მოკლე ჩანაწერი, მაგრამ მხოლოდ გამონაკლისის სახით. მეორეს მხრივ, ჩვენი ლექტორები ყოველთვის მზად არიან დაგეხმაროთ და ახსნან გავლილი მასალა.

  • ვის მივმართოთ თუ რაღაც არ იხსნება, არ იტვირთება ან არ მუშაობს?

ყოველთვის შეგიძლიათ დახმარებისთვის მიმართოთ თქვენს ლექტორს. ასევე, ნებისმიერი საორგანიზაციო კითხვისთვის დაგვიკავშირდით (+995) 571 381 166 / (+995) 595 511 355 / (+995) 591 050 989.

სხვა კურსები

I agree to Privacy Policy of Scientific Cyber Security Association