შეხვედრების რაოდენობა: 10 შეხვედრა (20 გაკვეთილი)
შეხვედრის ხანგრძლივობა: 2 საათი
მსმენელების მაქსიმალური რაოდენობა: 15 მსმენელი
სასწავლო კურსის ლექტორი:
გიორგი იაშვილი – კიბერ უსაფრთხოების ექსპერტი, ინფორმაციული ტექნოლოგიების დოქტორი; სამეცნიერო კიბერ უსაფრთხოების ასოციაციის (SCSA) ვიცე-პრეზიდენტი; კავკასიის უნივერსიტეტის ასოცირებული პროფესორი, კიბერუსაფრთხოების ცენტრის დირექტორის მოადგილე.
სასწავლო კურსის ანოტაცია:
კურსის ფარგლებში მსმენელი ისწავლის ბუფერის გადავსების თავდასხმებს (Buffer Overflows), Windows – ზე თავდასხმებს ბუფერის გადავსების საშუალებით, პროცესორის რეგისტრების კონტროლს და Linux – ზე თავდასხმებს ბუფერის გადავსების საშუალებით. ამასთან ერთად კურსის ფარგლებში იქნება განხილული მუშაობა ექსპლოიტებთან, მათი მორგება და მოდიფიკაცია, გატეხილ მანქანაზე მავნე ფაილების ატვირთვა, პრივილეგიების გაზრდა, თავდასხმები ვებ აპლიკაციებზე, XSS (cross site scripting), Cookies და სესიების მოპარვა და ასევე SQL ინიექციები. ასევე კურსის ფარგლებში მსმენელი ისწავლის Brute force თავდასხმების მოდელებს, Online პაროლების მორგებას, სისტემიდან დაჰეშილი პაროლების წამოღებას, ჰეშების გატეხვას, Metasploit-თან მუშაობას, Metasploit payload-ების შექმნას, საკუთარი payload-ების შექმნას და ასევე payload-ების შიფრაციას.
სასწავლო კურსის მიზანი:
სასწავლო კურსის მიზანია მსმენელს ასწავლოს სისტემების შეღწევადობის შემოწმებისთვის საჭირო მეთოდები. ამასთან ერთად კურსის მიზანია მსმენელს ასწავლოს მოწყვლადი სისტემების უსაფრთხოების დონის შემოწმება, გაანალიზება და გაზრდა. კურსის მთავარი ამოცანაა მსენელს ასწავლოს სისტემებში არსებული კიბერ უსაფრთხოების პრობლემების პოვნა და შეღწევადობის შემოწმების მეთოდით შესაბამისი ზომების მიღება. კურსის და მთელი სასწავლო პროცესის იდეოლოგია ეფუძნება სისტემებში კიბერ უსაფრთხოების დონის გაუმჯობესებას.
კურსის წინაპირობა – კურსის პირველ ნაწილში განვლილი საკითხების მყარი ცოდნა. მიღება მოხდება გასაუბრების და მოკლე ტესტირების საფუძველზე.
კურსის საფასური: 200 ლარი
საფასური SCSA წევრებისთვის: 150 ლარი – გაიგეთ მეტი წევრობის შესახებ
კურსი ჩატარდება დისტანციურად!