Linux ადმინისტრატორი

შეხვედრების რაოდენობა: 10 შეხვედრა (20 გაკვეთილი)

შეხვედრის ხანგრძლივობა: 2 საათი

მსმენელების მაქსიმალური რაოდენობა: 15 მსმენელი

სასწავლო კურსის ლექტორი:
სერგო სიმონოვი – სამეცნიერო კიბერ უსაფრთხოების ასოციაციის შეღწევადობის ტესტერი; DEVOPS ინჟინერი და IT მენეჯერი (Omedia).

სასწავლო კურსის ანოტაცია:
რატომ უნდა ვისწავლოთ Linux ის ოპერაციული სისტემა? Linux-ით იმართება მსოფლიოს სუპერკომპიუტერები, სერვერების უმეტესობა რომლებიც ინტერნეტს ამარაგებენ. ფინანსური ვაჭრობის უმეტესი ნაწილი მსოფლიოში და ორ მილიარდზე მეტი Android მოწყობილობა. Linux ის ოპერაციული სისტემა უფასოა. იგი მსუბუქი, კომპაქტური და მოქნილია. კურსი იწყება Linux-ის ძირითადი კონცეფციებით. თქვენ შეისწავლით სხვადასხვა ინსტრუმენტებს და ტექნიკას, რომლებსაც ჩვეულებრივ Linux სისტემის ადმინისტრატორები და საბოლოო მომხმარებლები (ე.წ. end-user) ყოველდღიური სამუშაოს შესასრულებლად იყენებენ Linux-ის გარემოში. კურსის განმავლობაში ისწავლით Linux ოპერაციული სისტემის სტრუქტურას, მომხმარებლისა და ჯგუფის კონფიგურაციას, მეხსიერების მენეჯმენტს, ქსელისა და სერვისის მენეჯმენტს, ვირტუალიზაციის გამოყენებას და მართვას, პროგრამული უზრუნველყოფის მენეჯმენტს, shell script-ს და საერთო უსაფრთხოებას პრაქტიკაში არსებული საუკეთესო მეთოდების გამოყენებით.

სასწავლო კურსის მიზანი:
კურსის მიზანია მსმენელს შეასწავლოს Linux ის ოპერაციული სისტემის ინსტალაცია, მომსახურება და ადმინისტრირება. სხვადასხვა სერვისების გაუმართაობების დადგენა და აღმოფხვრა. Shell_ის სკრიპტების დაწერა და ავტომატიზაციის შესრულება. კურსის მიზანია სტუდენტებს თეორიული და პრაქტიკული სავარჯიშოების გამოყენებით გამოუმუშაოს Linux_ის სისტემის ადმინისტრატორისათვის აუცილებელი უნარ-ჩვევები.

სასწავლო კურსზე დაშვების წინაპირობა:
კურსს არ აქვს დაშვების წინაპირობა. კურსის განკუთვნილია ნებისმიერი დაინტერესებული პირისთვის, რომელსაც სურს Linux ის ოპერაციული სისტემის შესწავლა. მსმენელებისთვის, რომლებიც ნულიდან იწყებენ სისტემის შესწავლას ან აქვთ საწყისი ცოდნა და სურთ ადმინისტრატორის დონეზე კვალიფიკაციის ამაღლება.

ჩატარების ტიპი: online/offline

კურსის საფასური: 200 ლარი

საფასური SCSA წევრებისთვის: 150 ლარი – გაიგეთ მეტი წევრობის შესახებ

 

  1. Basics – შესავალი, სისტემის ინსტალაცია, სანავიგაციო. ბრძანებები
  2. Basic 2 – შესავალი, უფლებების მართვა
  3. Users – სისტემის მომხმარებლების მართვა
  4. Network – ქსელური ინტერფეისების კონფიგურაცია, პაკეტების მენეჯერები, რეპოზიტორიები
  5. Storage – ფიზიკური, ლოგიკური და გარე დისკების მართვა
  6. Services – სისტემის სერვისების მართვა
  7. Scripts – bash სკრიპტების დაწერა, cron
  8. Docker – კონტეინერიზაციის საფუძვლები
  9. Docker 2 – კონტეინერიზირებული აპლიკაციის შექმნა
  10. Summary – შეჯამება

პასუხები მნიშვნელოვან კითხვებზე:

  • არის თუ არა კურსი შესაფერისი დამწყებთათვის?

დიახ, შესაფერისია. კურსის წარმატებით ასათვისებლად დამატებითი ცოდნა არ არის საჭირო.

  • არის თუ არა კურსი შესაფერისი პროფესიონალებისთვის/დამწყები სპეციალისტებისთვის? 

კურსი საინტერესო იქნება სპეციალისტებისთვის, მაგრამ ვურჩევდით, ჯერ კურსის პროგრამას გაეცნონ.

  • ვსწავლობდი ვებ პროგრამირებას/პროგრამირებას/ქსელებს, მაგრამ არ ვარ დარწმუნებული ჩემს ცოდნაში. იქნება თუ არა ეს კურსი ჩემთვის სასარგებლო?

გირჩევთ გადაამოწმოთ პროგრამა – თუ თემების უმეტესობა თქვენთვის ნაცნობია, მაშინ საკმარისად კარგად აითვისებთ მასალებს, თუ არა – გირჩევთ, გაიაროთ კურსი ჩვენთან. ასევე, ჩვენს მასწავლებლებს ყოველთვის შეუძლიათ გაგიწიონ სატელეფონო კონსულტაცია და დაგეხმარონ თქვენთვის საუკეთესო, თქვენზე მორგებული ტრენინგის შერჩევაში.

  • რა მოხდება რეგისტრაციის გავლის შემდეგ?

დღის განმავლობაში თქვენ მიიღებთ წერილს ელ. ფოსტაზე, რომელიც მიუთითეთ სარეგისტრაციო ფორმაში. სადაც გამოგეგზავნებათ რეკვიზიტები. გადახდის შემდეგ თქვენ დაემატებით მონაწილეთა სიას. ამის შემდეგ უნდა დაელოდოთ კურსის დაწყების თარიღს და შეუერთდეთ თქვენს ჯგუფს.

  • როგორ უნდა გადავიხადო კურსის საფასური?

რეგისტრაციის შემდეგ,  სამუშაო დღის განმავლობაში  მიიღებთ წერილს ელ. ფოსტაზე, რომელიც მიუთითეთ სარეგისტრაციო ფორმაში, სადაც გამოგეგზავნებათ რეკვიზიტები. ასევე, მენეჯერს შეუძლია დაგიკავშირდეთ მითითებულ ნომერზე/მეილზე დეტალების დასაზუსტებლად.

  • შემიძლია თუ არა კურსის საფასურის გადახდა ინვოისით?

რა თქმა უნდა! ჩვენ ხშირად ვთანამშრომლობთ კომპანიებთან, რომლებიც აგზავნიან თავიანთ თანამშრომლებს ჩვენთან სასწავლებლად. თქვენ უბრალოდ უნდა აცნობოთ ჩვენს ფინანსურ მენეჯერს, რომ გსურთ ინვოისის მიღება.

  • როგორია კურსის ფორმატი?

კურსი ჩატარდება დისტანციურად: ლაივ რეჟიმში გაკვეთილები ჩატარდება ლექტორის თანხლებით. ყოველთვის გექნებათ შესაძლებლობა დაუსვათ შეკითხვა უშუალოდ ლექტორს.

  • როდის იწყება ლექციები? / როდის მექნება წვდომა კურსის ჯგუფზე?

თუ თქვენ ჩაერთვებით ონლაინ, ტრენინგის დაწყებამდე რამდენიმე საათით ადრე, ჩვენი მენეჯერი ელ.ფოსტაზე გამოგიგზავნით ტრენინგზე დასასწრებ/შემოსასვლელ ბმულს.   

  • კურსის განმავლობაში დამჭირდება თუ არა ლეპტოპი/კომპიუტერი და როგორ?

თუ აუდიტორიაში ესწრებით ლექციას მაშინ კურსისთვის საჭირო კომპიუტერი/ლეპტოპი დაგხვდებათ საკლასო ოთახში. სურვილის შემთხვევაში, შეგიძლიათ აუდიტორიაშიც წამოიღოთ თქვენი პირადი ლეპტოპი.

თუ თქვენ აირჩევთ ტრენინგის ონლაინ სწავლების მეთოდს, მაშინ დაგჭირდებათ სტანდარტული ლეპტოპი/კომპიუტერი.

  • იქნება თუ არა კურსზე საშინაო დავალება?

დიახ, კურსის წარმატებით გავლა დამოკიდებულია საშინაო დავალების შესრულებაზე. ჩვენი პედაგოგები გირჩევენ შეასრულოთ ყველა საშინაო დავალება.

  • გაკეთდება თუ არა გაკვეთილების ჩანაწერი?

არა, ჩვენ არ ვაკეთებთ ლექციის ჩანაწერებს – ეს უარყოფითად აისახება სტუდენტის მოსწრებაზე და კურსის დასრულების ხარისხზე. რა თქმა უნდა, რთულ თემატიკაზე ლექტორს შეუძლია გააკეთოს მოკლე ჩანაწერი, მაგრამ მხოლოდ გამონაკლისის სახით. მეორეს მხრივ, ჩვენი ლექტორები ყოველთვის მზად არიან დაგეხმაროთ და ახსნან გავლილი მასალა.

  • ვის მივმართოთ თუ რაღაც არ იხსნება, არ იტვირთება ან არ მუშაობს?

ყოველთვის შეგიძლიათ დახმარებისთვის მიმართოთ თქვენს ლექტორს. ასევე, ნებისმიერი საორგანიზაციო კითხვისთვის დაგვიკავშირდით (+995) 571 381 166 / (+995) 595 511 355 / (+995) 591 050 989.

 

სხვა კურსები

I agree to Privacy Policy of Scientific Cyber Security Association