შეხვედრების რაოდენობა: 10 შეხვედრა (20 გაკვეთილი)
შეხვედრის ხანგრძლივობა: 2 საათი
მსმენელების მაქსიმალური რაოდენობა: 15 მსმენელი
სასწავლო კურსის ლექტორი:
ქეთევანი გრძელიძე – კიბერ უსაფრთხოების სპეციალისტი, კავკასიის უნივერსიტეტის ლექტორი, SCSA-ს ლექტორი, პერსონალურ მონაცემთა დაცვის ოფიცერი.
სასწავლო კურსის ანოტაცია:
კურსი განკუთვნილია საქართველოსა და ევროკავშირში პერსონალურ მონაცემთა დაცვით დაინტერესებული პირებისათვის. საქართველოს კანონმდებლობით, 2024 წლის 1 ივნისიდან განისაზღვრა სფეროები, რომელთა წარმომადგენელ კომპანიებსაც აქვთ პერსონალურ მონაცემთა დაცვის ოფიცრის ყოლის ვალდებულება. შესაბამისად, აღნიშნული კურსი ასევე განკუთვნილია იმ პირთათვის, ვისაც სურს პერსონალურ მონაცემთა დაცვის ოფიცრად დასაქმება ან/და უკვე არსებული ცოდნის გაღრმავება.
კურსის ფარგლებში შეისწავლით საქართველოში მოქმედ პერსონალურ მონაცემთა დაცვის შესახებ კანონისა და მონაცემთა უსაფრთხოების გენერალური რეგულაციის (GDPR) მოთხოვნებს, მნიშვნელოვან ასპექტებსა და გავრცელების სფეროს. ამავე კურსის ფარგლებში, შეისწავლით პერსონალურ მონაცემთა ტიპებს, მათი დამუშავება/შეგროვების კანონიერების, გამჭვირვალობისა და სამართლიანობის საფუძვლებს.
ამასთან ერთად, კურსი მოიცავს მონაცემთა მინიმიზაციას, მიზნობრიობის შეზღუდვას, სუბიექტთა უფლებებს, ინფორმაციული უსაფრთხოების ტრიადის მნიშვნელობას და ა.შ.
კურსის წარმატებით დასრულებისას შეძლებთ:
- პერსონალურ მონაცემთა დაცვის სისტემის აუდიტს და შექმნას
- პოლიტიკების გაწერას, მათი კანონმდებლობასა და GDPR-თან შესაბამისობის უზრუნველყოფას
- პერსონალურ მონაცემთა დაცვის ოფიცრად დასაქმებას და დამსაქმებლისთვის სრული მომსახურების გაწევას
- მონაცემთა სუბიექტის, დამმუშავებლის, პასუხისმგებელი პირების იდენტიფიცირებას, გადაცდომების აღმოფხვრასა და მათზე რეაგირებას.
ჩატარების ტიპი: online/offline
მეცადინეობა დაიწყება 10.09.2024 და ჩატარდება ყოველ სამშაბათს და პარასკევს 19:00 – 21:00 საათამდე.
კურსის საფასური:
- წინასწარი რეგისტრაციის ფასი: 200 ლარი (გადახდა 03.09.2024-ის ჩათვლით)
წინასწარი რეგისტრაციის საფასური SCSA წევრებისთვის: 150 ლარი – გაიგეთ მეტი წევრობის შესახებ
- სტანდარტული ფასი: 250 ლარი (გადახდა 03.09.2024-ის მერე)
სტანდარტული საფასური SCSA წევრებისთვის: 200 ლარი – გაიგეთ მეტი წევრობის შესახებ