16-17 დეკემბერს, თბილისში, Hotels & Preference Hualing Tbilisi-ში გაიმართა საქართველოს საგანმანათლებლო ტექნოლოგიების კონფერენცია. აღნიშნულ ღონისძიებაზე სამეცნიერო კიბერ უსაფრთხოების ასოციაციის პრეზიდენტის, მაქსიმ იავიჩის მიერ გაკეთდა პლენარული მოხსენება სახელწოდებით “კიბერუსაფრთხოების ეთიკა მასწავლებლებისთვის”. მაქსიმი შეეხო აქტუალურ თემებს და ტენდენციებს, რომლის ცოდნაც აუცილებელია თითოეული თანამედროვე მასწავლებლისთვის. იყო განხილული სხვადასხვა კიბერ ინციდეტების მაგალითები რეალური ცხოვრებიდან და აღინიშნა ყურადსაღები მომენტები ამა თუ იმ ტექნოლოგიის გამოყენების დროს.
მოხსენებაში აგრეთვე იყო წარმოდგენილი სამეცნიერო კიბერ უსაფრთხოების ასოციაციის მთავარი მიზნები, მოღვაწეობა და სამომავლო გეგმები. გაკეთდა აქცენტი სამეცნიერო კიბერ უსაფრთხოების ჟურნალზე, რომელშიც პუბლიკაცია არის სრულიად უფასო და ნებისმიერ მსურველს სამეცნიერო სფეროდან შეუძლია გამოაქვეყნოს თავისი ნაშრომი. დამატებითი ინფორმაციის მისაღებად, შეგიძლიათ გაეცნოთ არსებულ ავტორების რეკომენდაციების გვერდს.
აგრეთვე აღინიშნა ახლო მომავალში კიბერ ბანაკის ჩამოყალიბება, რომლის მთავარი მიზანია კიბერ უსაფრთხოების და ზოგადი IT ტექნოლოგიების დარგის პოპულარიზაცია როგორც სკოლის მოსწავლეებში ასევე უნივერსიტეტების სტუდენტებში. Cyber Camp იქნება პირველი კიბერ უსაფრთხოების ბანაკი საქართველოში.
