CISCO Networking Academy Partner +995 595 511 355 / +995 591 050 989

SCSA გუნდის კიდევ ერთი გამარჯვება! საერთაშორისო სეზონური ღონისძიება!

SCSA გუნდის კიდევ ერთი გამარჯვება! საერთაშორისო სეზონური ღონისძიება!

სამეცნიერო კიბერუსაფრთხოების გუნდმა მოიპოვა გამარჯვება შოთა რუსთაველის საქართველოს ეროვნული სამეცნიერო ფონდის მიერ გამოცხადებულ კონკურსში „მობილობისა და საერთაშორისო სამეცნიერო ღონისძიებები“. სამეცნიერო კიბერ უსაფრთხოების ასოციაციის გუნდმა საგრანტო კონკურსისთვის წარადგინა სეზონური სკოლის პროექტი სახელწოდებით “კიბერ უსაფრთხოების და 5G-ს ლიგა”.

სეზონური სკოლის პროექტში ჩართულია როგორც ლოკალური ასევე საერთაშორისო სპეციალისტები – პროფესორები 8 ქვეყნიდან, კერძოდ საქართველო, უკრაინა, ესპანეთი, იტალია, რუმინეთი, აშშ, ლიეტუვა და საფრანგეთი. კიბერ უსაფრთხოების და 5G-ს ლიგის ფარგლებში მსმენელები შეისწავლიან კიბერ უსაფრთხოების და 5G ტექნოლოგიების პრაქტიკულ და სამეცნიერო ასპექტებს. აქტუალურ თანამედროვე საკითხებს და ექნებათ შესაძლებლობა მიიღონ პრაქტიკული ცოდნა სფეროს წამყვანი საერთაშორისო სპეციალისტებისგან.

სეზონური ღონისძიების პროექტი ხორციელდება კავკასიის უნივერსიტეტის ბაზაზე, შოთა რუსთაველის საქართველოს ეროვნული სამეცნიერო ფონდის და აღმოსავლეთ ევროპის უნივერსიტეტის ფინანსური მხარდაჭერით.

მონაწილეობა სეზონურ სკოლაში იქნება უფასო და მონაწილეობის მსურველები ჩაერთვებიან წინასწარ გამოცხადებული გასაუბრების საფუძველზე. გასაუბრების თარიღები და სხვა დეტალები დაიდება ახლო მომავალში ჩვენთან გვერდზე.

სკოლის დირექტორი – პროფესორ მაქსიმ იავიჩი
თანახელმძღვანელი – პროფესორ ავთანდილ გაგნიძე
კოორდინატორი – დოქტორ გიორგი იაშვილი
მენეჯერი – დიანა პოპოვა

ღონისძიება დაგეგმილია 2022 წლის სექტემბერში.

Back to top

I agree to Privacy Policy of Scientific Cyber Security Association